Biluð bjartsýni: ...venjast nýjum vinnustað

Maður getur bara brosað út í annað þegar íslendingar halda að nóg sé af vinnu erlendis. Í flestum löndum Evrópu er atvinnuleysi svipað og jafnvel mikið meir en á Íslandi.

Það flæðir inn fólk með góða menntun frá öllum löndum heims.

Hef verið búsettur erlendis í 20 ár, margir íslendingar sem ég hitti trúa því að gott sé að vera íslendingur erlendis - þeir séu svo eftirsóttir fyrir dugnað og hæfileika.

Þetta eru bara draumórar, afar fáir eða engir hafa reynslu af íslendingum sem vinnukrafti.

Það var öðruvísi áður þegar skortur var á vinnuafli, þá voru allir velkomnir, hvaða lýður sem helst.

Í dag eru hlutirnir allt öðruvísi.

Það eru sennilega engir úti heimi sem bíða með öndina á hálsinum eftir að ráða einhverja labbakúta frá einhverju skeri í ballarhafi, sem 99% af fólki veit nánast ekkert um.

Gleymið pípudraumnum!

 

Undirbúa þarf búferlaflutninga

Athugasemdir

[Bó, 14.6.2009 kl. 19:17]

Sæll. Ég held að þetta sé bara alveg hárrétt hjá þér. Ég er líka búsettur erlendis og þar sem ég bý er ástandið í besta falli það sama og heima og hér á það bara eftir að versna. Hér eru fréttir af uppsögnum og auknu atvinnuleysi daglegt brauð. Held að fólk ætti aðeins að spá í þetta.

[Gudni (IP-tala skráð) 14.6.2009 kl. 21:41]

Ekki sammála þessu. Ég hef búið í hinum ýmsu norðurlöndum sl 26 ár og það er ágætt framboð eftir starfsfólki, sér í lagi í Noregi. Þekki þegar nokkra sem hafa farið bæði til Danmörku og Noregs og fengið vinnu. Svo er nátturulega plús að sleppa við að borga icesafe...engin spurning.